首先，講吓中文 (職業病發作)，我係支持可以手寫廣東話嘅，但有啲人稱呢款由 El Purista Armchair做「凳」，咁就唔係好準確啦。「凳」係泛指無背嘅椅，七大武器之首嗰張叫「摺凳」而非「摺椅」就係呢個原因。你可以稱呢張 Armchair做椅，或者更具體做扶手椅都無問題，總之唔係「凳」。

講咗咁耐先入正題，呢張椅嘅特別之處在於兩邊扶手嘅設計，左、右兩個櫃桶係專俾拎嚟擺雪茄同酒 (可以係干邑，又可以係威士忌)。

櫃桶下面嘅空間又可以收納其他bottle，加埋佢整個深色皮質材料，望落去非常之型，肯定係每個 Gentleman 嘅Dream Chair啦。

由智利建築師Rodrigo Gonzalez同德國律師Alexander Sauer聯手設計，清晰而簡約嘅線條，令張椅更容易fit落現代家居設計之中，櫃桶設計更靈活地運用空間，假如屋企有埋個私人影院，一個人，一邊嘆酒、一邊Cigar 睇戲，簡直係男人嘅浪漫。