男士要表現優雅之風，其實唔需要靠矯揉造作、誇張鋪陳，簡單嘅舉手投足，有內涵嘅人，簡單嘅舉手投足仍能充滿魅力。如同一個普通嘅白色錶盤，蘊含頂級珐瑯錶盤之高超工藝，如此內涵，就算如配上簡約羅馬數字、都係美妙絕倫。講緊嘅係，Ulysse Nardin 170周年限量版隻 Classico Manufacture。

大明火珐瑯錶盤常見於頂級腕錶界，而Ulysse Nardin旗下就有一間Donzé Cadrans係專做呢一項頂級工藝。起源於17世紀，大明火(Grand Feu) 技法要將錶盤配合珐琅粉擺入760°C至900°C嘅高溫入面燒，燒完出嚟通常都係白色，或者淺啡色。人手製作，工藝之考究，今次嘅Classico Manufacture亦都限量緊去170隻 (170周年嘛)。

搭載一隻自家Movement，Caliber UN-320，入面用咗矽製游絲，同品牌標誌性嘅anchor escapement，自動機芯提供到約48小時嘅動力儲存。40mm圓形精鋼錶殼，好配合其優雅主題，面頭都係藍寶石水晶玻璃。錶盤設計好簡單，修長羅馬數字小時刻度，六點位有個小秒盤同日期示窗，除咗stop-sec 功能，隻錶仲可以前、後兩個方向調較時間。

睇埋佢隻藍色皮錶帶就知個價錢唔會賣到天價，Ulysse Nardin 170周年限量版 Classico Manufacture，SRP約US$8,500，換算成港元約6萬幾。