來自 Kickstarter，另一個提升品酒體驗嘅偉大發明 Levitating CUP，簡單形容就係一套 gravity defying drinkware，可以擺脫重力，令你杯咖啡、whisky、Cocktail、Wine、Beer全部懸浮於空中。除咗普通Wired版，仲有高身啲嘅Wireless版唔需要插線嘅可攜式，出街都用到。

或者太沉悶嘅生活需要一啲魔法調劑，現實話俾我地聽，可以依靠嘅魔法得一種，叫科學。Joel Paglione 同佢嘅團隊過用磁力、electrical field，總之係一堆物理學原理，令杯底係金屬嘅 drinkware，浮喺專用嘅底座之上，實現零重力嘅感覺。

OK，個杯懸浮有咩用? 好簡單，型，因為無重力，杯嘢飲可以keep住自轉，更加型。現代對於飲酒嘅需要，已經唔只著重於味道，飲家比以往更追求整個環境形成嘅體驗，靚場、靚杯、舖排、創意，絕對可以響你飲酒嘅觀感、心情。

芝加哥嘅米芝蓮2星餐廳Acadia已經率先試用緊，如果可以將高級餐飲體驗帶返屋企，你話係咪好吸引先? 讓品酒變成藝術，咁先叫生活態度。

Source : Kickstarter