自從香港出咗Uber之後，我已經好少搭的士，你知香港班的士大佬，近嘅唔去，遠嘅過海唔去，交更唔去，成日問路問返你轉頭，搭咗Uber之後真係猶如上天堂一樣。唔好意思，而家唔係賣Uber廣告，係想講最近俄羅斯Yekaterinburg嘅Alibi Bar (旺角Cordis都有一間) 同Uber聯手搞咗個Campaign叫「Drive or Uber」，等你自己決定叫唔叫車。

佢地出咗一張Business Car咁上下大細嘅測試卡，飲完酒之後你可以用卡上面張紙test下自己嘅血液酒精含量有無超標。方法好簡單，一、拎張紙出嚟；二、奶；三、等；四，有結果。當嗰張Testing Strip顯示黃色，即係你safe to go，如果係綠色，咁唔該你call uber，等人車你返屋企。

Alibi Bar會喺客人埋單嗰陣派發呢張測試卡，完全免費，一般而言測試結果都非常可靠。最後都係要提返大家，自己做司機定call車，決定權始終喺自己手，即使testing result係黃色都好，如果你feel到唔對路，拜託大家唔好勉強，做個負責任嘅駕駛者 (再次強調並非幫uber賣廣告)。