坦白講，原先Basel見到嘅砲銅金屬錶圈真係唔太識欣賞，首先銅色配搭黑、灰、銀，整體夾出嚟效果普通，加上佢巨型金屬錶圈以銅色做間隔，主觀講一句真係唔太靚仔。好彩而家出返兩隻純色系列，黑色、灰色兩者襯出嚟個效果沉隱好多，望落亦感覺良好，黑搭銀、灰搭銀，中間紅色指針、數字先起到點綴作用，搶眼又唔會太亂。

原版 Charriol Chrono CELTICA

腕錶搭載瑞士Ronda石英機芯，除咗時、分、秒、日期星期同月份之外，仲有精準嘅計時功能。標誌性嘅6條鋼索紋理橡膠錶帶有黑色或者碳灰色俾你揀，暫時收到嘅建議零售價為1,890瑞士法郎，亦即是15,000港紙左右。