傳說中好飲的啤酒會傾城，擁有完美視力嘅我，親身證實飲完酒睇個世界係完美啲嘅；而我身邊嘅巴打們都好識得用呢招，將好味嘅啤酒源源不絕地向女士送上，務求令佢地容易啲敞開心胸，Sorry，係心扉先啱。呢個套路用咗咁多年，終於有啲科學家走出嚟話係有根據嘅。

瑞士University Hospital of Basel嘅研究員動用60名18至50歲嘅健康男性、女性，分別飲有酒精同無酒精嘅啤酒，測試啤酒對於同理心 (empathy)、性趣 (sexual arousal)，同埋面部認知 (face recognition) 嘅影響，結果顯示有飲啤酒花嘅人係的確會開心啲。佢地有更強烈嘅慾望去接觸身邊嘅人，察知快樂表情嘅能力亦會較強。

流傳已久嘅Beer Goggles理論亦得以證實，啤酒尤其能夠令女士對性嘅態度比較開放，研究員向佢地展示一啲性感照片，再rate自己嘅愉悅程度，結果係愈飲得勁，愉悅嘅程度就愈高。官方解釋話女性食得應棍，係因為blood-alcohol concentration (BAC Level)比男人來得高。不過University Hospital of Basel都再次提醒各位男士，女士肯同你飲酒，唔代表人地肯同你上床，有時唔好諗得太多!

Source : Sciencedaily