亞熱帶地區嘅香港，氣候極之和暖，想感受冰天雪地嘅世界就必需遠離呢個地方；喺多倫多嘅冬天，氣溫有時可以降到零下十幾度，連帶風雪，路面甚至可以被冰封。雖然為生活帶來許多不便，但至少我地知道有樣嘢係正嘅，呢個就係多倫多嘅Chill Ice House，一間雪屋Night Club，等你可以喺冰雪中Chill Out, Really Coooooool!

Chill Ice House位於多倫多King同Bathurst Street之間，創辦人Gresham Bayley聯同佢一位做製冰生意嘅Uncle一齊搞咗呢間玩extreme experience嘅nightclub出嚟。室內有個1,200呎嘅空間係長期保持零下5度左右嘅寒冰氣溫，每個入場人士都可以拎到啲五顏六色嘅帽呀、手套呀、Digital Wristbands，喺雪白嘅世界入面玩到癲。

入面所有嘅Cocktail杯都係手工冰雕，保證每杯嘢飲都係透心涼咁正！而且場入嘅冰雕裝潢全部都好似藝術品咁靚，香港時不時都有冰雕Bar，但分別係，Chill Ice House啲係長玩長有，唔會一陣就溶。不過，你可以想像到，呢啲冰雕需要時不時就維修，cost都唔低，所以大家入場玩前，記得check吓個收費先。

受唔住冰嘅朋友，場內仲要個恆溫Area，俾你輕鬆舒服地飲返杯熱嘢，但我相信MenClub嘅巴打們就算半裸入場，都一定可以冰足全晚唔駛抖嘅！

Source : http://www.chillicehouse.com/