簡單講，喺Graham嘅世界入面，有Trigger嘅就係叫Chronofighter，只不過係Chronofighter之下再細分多個系列咁啫。Target Denim亦都係Chronofighter嘅其中一款，錶殼左邊嘅大型Trigger，可以快捷地啟動計時裝置，對以前嘅飛行員嚟講係極之方便嘅設計嚟，承傳至今，就變成Graham腕錶嘅Signature之一。

新系列一共有3款，可以配備藍色縫線牛仔布、白煤色牛仔布，同埋綠色軍袋風格帆布呢幾款錶帶 (無錯，有得揀牛仔布或者帆布)，佢地同時有堅韌、輕巧、夠Muscular嘅多項特性，襯落巨大嘅Chronofighter度又倍添玩味。牛仔布錶帶，一款有如海洋般嘅靛青色，另一款係森林泥土嘅泥黃色調，顏色反映到錶盤之上，具特製煙燻效果，但用家又能夠清楚欣賞到機芯嘅運作情況。

47mm超大錶殼，錶圈以黑色陶瓷製造，搭載配備Incabloc避震器嘅瑞士G1747自動計時碼錶機芯，提供達48小時動力儲存。除咗上天，入水都有100米防水保護同高度Super-LumiNova發光塗層，應付多樣環境都無有怕。Graham Chronofighter Target 系列，無論係牛仔布定帆布錶帶，零售價均一做緊HK$51,000！