唔係好嘢都唔介紹俾大家，仲記唔記得上次攞獎嗰隻Amrut Whisky? 試完你就知印度唔只風化強姦案出名，佢地仲盛產國際級威士忌佳釀。今次同各位酒迷講多間來自喜馬拉雅山麓嘅蒸餾廠Rampur，使用傳統銅製蒸餾儀，擁有超過70年釀酒經驗，係印度其中一間歷史悠久而享負盛名嘅酒廠。

喜馬拉雅山脈提供到非常特別嘅天然環境、資源予Rampur Distillery，再加上印度酷熱到極點嘅天氣，令佢地嘅作品更具層次同埋深度。Rampur係玩非冷凝單一純麥嘅，喺喜馬拉雅山麓陳年，其威士忌嘅熟成速度比任何蘇格蘭、愛爾蘭作品還要快，柔滑、高雅，風味濃厚，餘韻亦較為悠長，Rampur嘅印度威士忌絕對係頂級嘅作品。

呢枝Selected Cask Single Malt，擁有43%酒精度，非冷凝處理。聞香為豐富嘅雲尼拿、焦糖、黑糖香甜；入口係丁香、玉桂、香料辛辣，但仍然感受到雲尼拿、蜂蜜，同埋薑味氣息，最後餘韻非常柔滑，少些香料辛澀，悠長而舒適。