唔知前晚大家有無俾本年度我最喜愛女歌手 — 鄭欣宜嘅Live唱功震懾呢? 如果錯過咗嘅巴打們，可以去MenClub Facebook搵返段Live嚟睇，平心而論，佢現場唱 《女神》 係真材實料，合埋對眼聽吓，簡直係享受啦！當晚係軒尼詩 — 「鄧達智x May Chow 新春盆菜晚宴」，女神只係其中一Part，全晚嘅重點係以超過250年歷史嘅干邑品牌，配合時尚角度，重新演繹有幾百年歷史嘅圍村盆菜，呢種文化共融，先係最難能可貴嘅要素。

屏山鄧氏宗祠

晚宴由屏山鄧氏第26代圍村人兼著名時裝設計師鄧達智，同「2017 年度亞洲最佳女廚師」 May Chow（周思薇）親自主理，並由國際著名調酒師Antonio Lai創作一系列應節嘅軒尼詩干邑雞尾酒，時尚、美食、美酒，交織成一次於屏山鄧氏宗祠嘅精彩體驗。用餐地方之鄧氏宗祠係屏山鄧族祖祠，至今已經有700幾年歷史，屬三進兩院式建築，建築物三進大廳上的樑架雕刻精美，屋脊飾有石灣鰲魚、麒麟，後進祖龕供奉鄧族先祖神位。

鄧達智 (中)、May Chow (右)

依據圍村習俗，屏山鄧氏盆菜大致分為1大盆及8小碟，合起共稱九大簋；May Chow重新演繹傳統盆菜，其中嘅4小碟包括：如意吉祥（炸芋頭、軒尼詩、蜜糖、芝麻）、金銀滿屋（軒尼詩醃漬菠蘿、酸薑、芫荽）、家肥屋潤（紅燒豬手、軒尼詩、梅子、黑醋）及招財進寶（豉油醃漬冬菇、木耳）。在設計食譜嗰陣，May Chow特別以軒尼詩V.S.O.P Privilège入饌，令人喺品嚐傳統菜式之餘，亦能感受到Cognac嘅醇香，整道菜式嘅味道更為豐富，全場賓客都讚口不絕！

盆菜方面，May Chow仍然保留咗燜豬肉、豆腐皮、白蘿蔔同埋豬皮，但佢就以現代烹調手法同食材，取代傳統名貴中式食材，例如用紅菜頭為豬腩肉、八爪魚沾上春紅，或以亮麗嘅西班牙紅蝦作點綴，又以北海道元貝取代瑤柱，帶來嶄新嘅口感同風味。

「世界級調酒師大賽獲獎無數知名調酒師」Antonio Lai