美胸唔使靠乳神自助按摩不求人

文：MenClub 魏文青　　圖：互聯網
POSTED ON 09 Dec 2014

相信各位都係因為張圖而被吸引入黎，咁等我先介紹以下呢位「乳神」比你識先！

喂喂喂喂唔好走住！！佢個花朵叫乳神，就唔關佢本身個胸事嘅～而張圖嗰個胸呢，都唔係佢黎講嘅(應該…)。呢位神藤多喜子老師，是一名助產士，多年來大力推廣自然分娩及母乳喂哺，還發明咗一個聲稱能夠令胸型更大更美、改善臉部皮膚鬆弛、皺紋、而及改善婦科問題嘅神奇美胸操，喺日本被尊稱為「胸部的救世主！」

而老師近期就出咗個新週邊，即係呢舊仿照人手製造嘅「胸部不求人按摩器」，等一眾女士可以自行在家中替自己按摩，連稅都只不過係約JPY$3,300(~HKD$210)！計埋上面啲功效，好似真係幾抵玩喎！

不過計我話你買嗰個都傻豬B黎嘅，要人幫你按摩個胸咋嘛，使乜買隻假手啫！我呢對就有一對仿真度達到100%，具備人類體溫，兼且識聽人話嘅高智能「胸部按摩專用手」，有邊位女士要幫手？地鐵沿線免收加一，18-30歲女士仲可以免費試玩！你點可以執輸呢！