戴返個頭盔先！係「可能」，「可能」咋下！

自拍，對好多人黎講都係一件好平常嘅事。但根據美國俄亥俄州立大學的研究，經常上載自拍照到各大社交網站的男士，在自戀與精神病測試中的得分會較沒有的人高！睇完呢句嘢，再諗上FB上面嗰啲經常自拍放上網嘅所謂「朋友」，係咪突然覺得佢哋個樣有少少得人驚呢？

研究搵黎800個年齡介乎18-40歲的男子填寫一份關於其於各社交網站上載自拍照的習慣。問題包括上載的頻密度、上載前有否為照片「加工」等等。同時受訪者亦會填寫一份量度反社會及自我物化行為（簡而言之即為傾向注重人的外表）的問卷，發現上載較多照片的受訪者，在自戀及精神病的「得分」亦夠高；而在上載前為照片加工，則與自戀有關連。

所謂「自戀(Narcussism)」，是指過度膨脹的自我，其中一個行為特徵是貪靚；而「精神病 (Psychopathy)」通常則指缺乏同理心及衝動等。

主要研究人員之一的Jesse Fox認為當中的道理很簡單：「經常上載自拍到網上的人只是想看到自己，也很可能沒想過其他人會有什麼想法，這與『衝動』是同一回事。」

同時在上載照片前大量加工，亦表示自我物化的程度較高。「隨住社交網絡成為日常生活，人們會變得更加在意自己的外表。所以就要執相了。」

之但係咁，「在問卷中得分較正常人高」唔代表經常自拍的男人就一定有精神病。縱然他們的得分比正常人高，但仍然處於正常範圍內。即係他們只不過是比正常人更接近「精神病」而已！

但講開又講，作為一個廿二世紀的人，如果到今時今日你的facebook，instagram等等都仲係一張有自己個樣嘅相都冇，而且有如「花鳥蟲魚」展咁充滿「花鳥蟲魚」，我就覺得你太冇誠意！即係你起碼都比返張真人自拍做Profile Pic呀係咪？好用唔用有啲人仲會用隻狗黎做相頭，「狗公」、「狗公」你話幾唔好睇呢真係！