北川景子陪食飯任掂任摸唔駛怕

文：MenClub Mean娜　　圖：互聯網
POSTED ON 12 Mar 2015

一個人嘅時候少不免有種空虛寂寞凍嘅感覺，平日獨自食飯都感覺如此，更何況大時大節見住「街裡愛人一對對」，出去同情侶爭枱食飯更覺唏噓。出於對孤家寡人嘅關懷，京都祇園一間自1910年代就開始經營的老食堂「壹錢食堂」，決定幫你請來北川景子、崛北真希、黑木瞳等美女陪你食飯，以慰藉單身漢的心靈。（好似係）

一入舖頭，環顧四周，只見幾個著住和服，個樣膠膠地的美女坐定定喺度。喂！說好的北川景子呢？？

「要搵北川景子？冇難度～」經老闆引領嚟到呢位硬膠膠的小姐面前一睇，原來佢真係唔是人！係個如假包換的硬膠公仔！

最弔詭的是，佢心口掛住寫有「北川景子」的名牌……「唔～你要嘅北川景子小姐喺度。」

另外仲有「崛北真希」

同埋「黑木瞳」

大家崩潰未？？原來「壹錢食堂」希望藉由呢啲硬膠公仔吸引顧客上門，就算得一個人嚟食飯，都唔會感到尷尬，因為有景子陪你食飯，你仲可以一邊食飯一邊摸景子隻手仔～so sweet！