[有冇你心水？]日男最討厭的3種女生髮型

文：MenClub Mean娜　　圖：互聯網
POSTED ON 13 May 2015

夏天來臨，女孩子除咗要減肥、買新衫、買新鞋外，仲要諗埋個新髮型。究竟係清爽的短髮好，定飄逸的長髮好呢？短頭髮睇落清新，但長頭髮就多變化。Mean娜最近都苦惱緊留長定剪短好。不過，原來有啲女孩子好喜歡的髮型，喺男仔眼中係完全不能夠接受！有調查發現，日本男生最討厭的3種女生髮型，原來好多人都中招，當中有冇巴打的心水呢？ Niconico News組織調查發現，喺日本男人眼中最冇魅力的3種髮型，分別係直瀏海、超短髮、Bob頭。
直瀏海

直瀏海照計畀人感覺清純，應該唔會出事。但原來日本男生覺得瀏海睇落「太刻意太假」，所以唔喜歡。同時都有人覺得，呢種髮型好似「日本玩偶」，畀人唔舒服的感覺。
超短髮

好多日本時裝雜誌、髮型雜誌，都會推介超短髮，但因為呢種髮型好難Carry，對膚色、臉型要求好高，要有個性有特色的女孩先適合，所以好多日本男生都唔建議，覺得冇事就唔好搞啲咁嘅嘢。
Bob頭

日本男人唔識欣賞Bob頭，覺得呢個係頭盔造型，而且容易讓人聯想到「河童」，同性感、可愛一點關係都沒有。