- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
| 上回講到文青喺日本搜購咗幾百蚊咸書，返黎同大家研究日本成人雜誌嘅特色。而第一種，就係由各大AV片商推出嘅「AV導讀系」。而今次，就同大家講下「自給自J系」！ | |
| |
2. 自給自J系 「自給自J」者，「自給自足地打J也」。顧名思義，呢一類咸書嘅目的唔係介紹你去買AV，而係佢本身就已經係一個「打J懶人包」。驟眼睇，書嘅內容同「AV導讀系」都係如出一轍，一樣都有疑似封面照同影片截圖，但直到你睇啱某套作品，想搵真片出黎慢慢享受，你就會發現少咗一樣好重要嘅嘢－－冇「番號」！ | |
| |
| 如果你一路以黎都係靠「這裏的成人電影」渡日，你可能唔知咩係「番號」。你需知道日本AV嘅名，通常都係又長又拗口兼夾莫名奇妙嘅句子(基本上就同「在街上看到不可饒恕的巨乳」差唔多，呢個算短添啦)，重點係將所有賣點一次過塞哂入去引你買。但同時亦好唔方便溝通同搜尋，於是片商都會根據發行次序為作品加上一個「番號」。 | |
如「AV導讀系」書中的介紹，就一定會附有番號(MDB-587) | |
| 番號由前面嘅字母同後面嘅數字所組成。字母多數表達片商，如"SOD"係SOD， "MXGS"係Maxing，"IPZ"就係Ideapocket；但某啲特別情況，例如AV Open參賽作品(AVOP)或者N合一合集會另作處理，而數字就代表發行次序，以001，002如此類推排落去，去到999之後前面嘅字母番號就會有變，例如ideapocket就由之前的"IPTD999"變成"IPZ001"。換言之只要你有某作品嘅番號，隨手Search下就會搵到關於該作品嘅資料。但偏偏「自給自J」系嘅咸書中介紹嘅作品，就全部都冇番號。咁係咪佢唔想你買佢隻AV呢？定係佢存心壞你雅興？唔通佢唔怕個「Spring pocket will be barbecued」咩？ | |
| |
| 實情係，你根本就唔需要有番號！因為佢本書所介紹嘅作品，其實全部都係來自隨書附送嗰兩隻碟。又或者準確啲講，你係買咗兩隻隨碟附送書嘅AV！所以本書入面嘅作品介紹唔會有番號，反而有「A碟」定「B碟」嘅指示，等你可以按圖索驥開黎睇，Download都慳返，係咪好貼心呢？ | |
| |
| 換言之，「自給自J系」咸書並唔係為咗AV界而存在，相反，佢哋係正統AV嘅競爭對手，完全獨立於AV界地運作(當然，背後會唔會都係由AV片商操控就不得而知)。咁樣又衍生出兩個獨特之處：第一，由於唔會有賣AV嘅收入，換言之「自給自J系」要靠賣書賺錢，於是售價會比「AV導讀系」貴。一般嘅「導讀系」咸書售價大約為7-800Yen(未連稅，約45-50港元)，但一本「自給自J系」就要賣成900Yen(約60元)，計埋稅要成千Yen落樓。同樣地，「自給自J系」咸書亦會係定期出品(月刊)。 | |
| |
| 第二，就係佢會有連載性嘅企劃。例如呢本《DVD Dream》會有「日本全國激闘ナンパ旅(ナンパ，讀音Nanpa，解搭訕）Part 2：關東/四國編」而其副刊《人妻DVD Dream》就有接受讀者投票嘅「人妻甲子園」，由全日本47個都道府選出最高人妻。雖然文青就相當懷疑入面嘅呢班有名有性嘅「素人」同「人妻」嘅真實性。不過，無可否認嘅係呢啲連載內容都好豐富。例如「日本全國激闘ナンパ旅」咁，聲稱到訪咗茨城、栃木、群馬、岡山、鳥取、山口、愛媛、高知八個地方，搭訕咗接近40名「素人」，基本上已係三至四套正常AV嘅量。 | |
| |
總而言之，「自給自J系」就係一本一站式成人娛樂雜誌。目的唔係要氹你買真正AV，而係等你買完返屋企就可以慢慢享受！ （待續） |