童話故事總是美好的，但如果套返落現實中，又會變成點呢？有冇聽過《恐怖版格林童話》？裡面啲故事都寫實又變態，聽到都驚驚，但點都驚唔過，將童話套落現今職場上，鬼咩！咁切身！睇見都覺得陰公豬！

最近日本就有網友流行一種名為「社畜童話」的改編，將殘酷的職場生活，融入熟知的故事裡頭……超寫實的對話真係睇到人眼濕濕，十足自己的情況咁。

《賣火柴的女孩》

「有人要買火柴嗎？」小女孩蹲在路邊賣火柴，每月工資只有13萬日元，而且被要求一個月，工作200個小時而且要強制性加班，仲要喺攝氏零度以下的酷寒中工作。當她最後受不了，在寒風中劃了根火柴許願時，公司以【未經授權使用商品】的原由控告她。

《小紅帽》

「婆婆，點解你耳朵咁大？」
「咁樣客戶投訴時，我先可以聽得比較清楚啊，親愛的。」
「婆婆，點解你對眼睛咁大？」
「咁樣先可以每日望住電腦13小時啊，親愛的。」
「婆婆，點解你不辭掉工作呢？」
「因為我65歲以前，領不到退休金啊，親愛的……」

《小美人魚》

「海巫婆，我想成為一名正職員工。」
「好，歡迎妳跳槽到我哋公司，但我要求妳用聲音作為回報。」
於是小美人魚答應呢這筆交易，成為正職員工。不過佢不但薪水變低，亦冇加班費，連周日都冇假放。同時因為小美人魚失去聲音，甚至冇辦法同工會反映不平待遇，於是佢成為社會底層的泡沫，消失在某處……

《湖中女神》

有一天，樵夫不小心將斧頭掉進湖裡……
女神：你做乜弄丟斧頭？
樵夫：呃，好對唔住。
女神：我唔想聽你講「對唔住」，我要你話我知，做乜會弄丟斧頭？
樵夫：我流太多手汗，手有點滑，然後力度過猛……
女神：斧頭是公司的，你而家知道應該要點做嗎？

女神：你要一份年薪1000萬，但好辛苦的工作？定係年薪300萬，但好輕鬆的工作？
員工：我要一份年薪300萬，但好輕鬆的工作。
女神：你真誠實，我決定同時給你兩份工作！
員工：兩份工作的意思是？
女神：你會得到兩份工作量，然後有年薪300萬的收入！
員工：……

《白雪公主》

王子見到白雪躺在玻璃棺裡，一動也不動，於是輕輕喺佢耳邊講：
「截稿日是明天喔。」
白雪公主突然驚醒，呢個時候，王子繼續說：
「另外再告訴妳一件事，裝死的時候沒有薪水喔。」
聽完，白雪公主就真的死了。

《三隻小豬》

有天客戶來找三隻小豬，希望佢哋幫手起一棟房子。
第一隻小豬話：我哋用稻草起，咁樣最快！
第二隻小豬話：我哋用木頭起，咁樣最平衡。
第三隻小豬話：我哋用磚頭起啦，咁樣最堅固。
客戶說：咁我要間屆好似磚屋一樣堅固，但要好似稻草屋一樣起得咁快。

《龜兔賽跑》

兔子用最快的速度跑著，將烏龜遠遠甩在後頭，正當兔子即將抵達終點時，突然被老闆叫住，然後得到更多工作。由於佢能力比較強，所以要做比別人份量更多的工作，但係慢慢的烏龜，已經慢慢地將本來的工作完成，回家去了。