出到街上，幾乎一眼望見，大部分女孩子都留有一把長長秀髮。不過夏天就到，加上近年興短髮，唔少女生都心郁郁想剪短佢。但你知啦，頭髮係女孩子的第二生命，邊夠膽話剪就剪，係需要聆聽多啲意見。Mean娜都試過喺Menclub度，公然問大家究竟剪短定留長好。相信呢條問題，唔少巴打都有遇過。

咁究竟畀咩建議好呢？唔使咁愁，外國就有髮型設計師提出一個解決方法。

髮型設計師John Frieda提出5.7cm（2.25英寸）法則，佢發現臉的下顎骨角度，會決定一個人留長髮定係短髮會比較好睇。只要耳垂到下巴距離短於5.7cm，就係適合短頭髮的臉型。

測量方法好簡單，首先需要準備：一把尺、一枝筆同一面鏡子。

如圖片示範，把筆水平頂在下巴，再用尺測量耳垂到筆的距離，如果距離小於5.7cm，即係你的臉型就係適合短髮的臉型；如果距離大於5.7cm的話，剪短髮前就要考慮一下喇。