有記者進入丹爺嘅競選派對，發現所謂競選派對同一般夜場冇咩分別－－只係多咗啲美國國旗嘅裝飾。

呢個就係民主最值得尊敬嘅地方啦！因為雖然根據傳統，總統候選人應該要經過地方或政黨初選先可以進入全國大選，但其實根據美國憲法，只要你係美國出生嘅美國公民、於預定就職之日年滿35歲，兼喺美國住滿14年，就可以參選總統。目前丹爺只係34歲(1980年12月7日)，但由於下屆總統任期係由2016年12月17日開始，啱啱好夠36歲。所以唔好理佢玩女玩槍喺Instagram做過啲乜鬼嘢，反正佢就係符合參選資格！

咁丹爺嘅政綱係咩呢？暫時冇人知，但據聞佢曾經喺派對上講過會將「嫖妓合法化！」咦？當年有個講嘢好唔正嘅香港議員，唔係都講過「女人都係雞」咩？