25歲，大部分人都已經踏進職場，學習由學生身份轉為社會職人。一如所料，工作會遇到困難、時間會變少、人事關係會變得複雜……但唔少朋友都反映，成為上班族後，最令人疑惑的，係真心朋友愈來愈少，最後只剩下兩、三個，甚至一個都冇。

明明讀書時期大把可以傾訴心事的朋友，點解離開校園，開始工作後，識嘅人多咗，但真心朋友會少咗呢？唔使愁搵唔到答案，而家就話你知原因。

2.興趣改變
隨著交友圈的變化，興趣都會跟住改變。就好似年輕時，成日都會參加不同活動，認識好多新朋友，新朋友繼而影響你的興趣，令你有愈來愈多發展空間。但進入社會後，去嘅活動大多只係應酬，心底裡會覺得，與其同唔係好熟嘅人出去扮Friend，不如同幾個知心好友食飯好過。

3.新友誼衝擊了舊友誼
新環境往往會帶來新友誼，而你嘅時間1日只有24小時，要同新朋友打好關係，自自然然就會忽略了舊朋友。如果冇維繫新舊關係的平衡，被你疏忽的一方就會同你漸行漸遠。

4.觀念改變
就算原本好Friend，但出到社會後，遇到不同人事及經歷，對事情的睇法都會改變，可能會同舊朋友的觀念有所不同。自然大家都會唔再啱傾。

5.耐性留畀真心朋友
對於複雜的人際關係，我哋唔一定要花時間及耐性，全部都維繫。有時身邊有啲朋友，一味搵你笨，又或者只會帶負面情緒畀你，自己都會清楚，唔好將對朋友的耐性放喺佢度，因為我哋需要充滿正能量、引導我們往更好方向的朋友。