唔少女仔都覺得，男朋友唔一定要好大隻，唔一定要好靚仔，但矮就絕對唔可以！相信男士們都深明，如果自己生得矮，真係輸蝕好多，就算女方唔在意，但自己都會耿耿於懷。雖然香港女仔唔算生得高，但偏偏香港又真係好多矮仔，港女們成日都嫌三嫌四，又有幾多人可以好似李亞男咁，大方接受祖藍矮過自己呢？

不過矮仔又唔好咁灰心，日媒《ハウコレ》就訪談20位特愛同矮仔交往的女孩，並整理出矮仔令人著迷的5大原因！

2.襯托自己的身材
有啲女孩子天生就鍾意受人注目，如果同高大的男友交往，就會被分薄注意力。

3.特別遷就女方
有女士就表示︰「雖然唔知道整體男性係點樣，但就我的觀察，個子較矮小嘅男士特別溫柔，亦冇咁大男人主義，而且會好注重與女孩間的互動」（營業／25歲）

4.變得更受男生歡迎
呢一點可能會令人心碎，但確實有女生表示，男友生得矮，就會令自己更受歡迎，因為周圍想追佢嘅男生，都會對佢講：「我比起你現任男友更加好」之類的告白說話（美容師／26才）

5.安全感
「身高唔高嘅男生多數唔係其他人的理想型，所以冇咩桃花，同佢一齊我會覺得好安心」（大學生／20歲）