「乳搖」呢個喺現實生活中難得一見嘅景象，喺近年嘅動漫、遊戲中嘅重要性不斷提高，唔單止成為「劇情」嘅一部份(詳情請自行Google "I watch it for the plot")，甚至能夠成為戰鬥中嘅武器！而其中嘅表表者當然係張女角胸部以獨立圖像引擎處理而「搖出個未來」嘅《Dead or Alive (DOA)》系列。
你睇爽，但總會有其他人有唔同意見。喺2013年加拿大多倫多舉行嘅「Game+Art Convergence」入面，加拿大藝術家Kyle Duffield同Daniele Hopkins就用兩個PS1手掣改裝成兩個「胸圍手掣」，親自著上身，再邀請玩家喺佢哋身上玩一鋪《Dead or Alive》對戰。
