夏天咁熱，一頭長髮披喺膊頭真係超唔舒服，所以唔少長頭髮嘅女仔，都會隨身帶條橡筋，方便一熱就紮起啲頭髮，唔怕焗住晒。不過一般嘅橡筋又點滿足貪靚嘅女孩子丫，就算係橡筋，都要買條靚嘅。份量感十足嘅大腸髮圈（下圖），可愛又易用，又唔會扯痛頭髮，仲可以當飾物戴住，係唔少女仔的心水選擇。之前日本網路上就有人做過實驗，將內褲當髮圈綁，估唔到份量感仲超越一般大腸髮圈，勁KAWAII，於是有人就直接將呢個IDEA變成真正嘅商品！