唔少女性都覺得男人揸車時特別有型，而且如果對方手車技術好穩陣，女士們都會覺得好安心，認為呢位男士會為自己而安全駕駛，感覺好貼心。不過男士揸車可以令女士加分，都有機會令女士對你大扣分！

日本網站Web R25就請來20-30世代嘅女生，選出「讓人感到不安嘅男生開車行為」，可能你會發現，自己一啲平常嘅揸車小習慣，都會無意間令生對你感到反感。

10位　見到黃燈都唔會停
或者男生會覺得，都未正式轉燈，仲可以衝過去，但係好多時候車禍就係咁樣發生。

9位　接受唔到人哋架車爬自己頭
雖然人哋架車爬自己頭係幾嬲嘅事，但係馬路上安全至上，如果為咗一口氣而導致交通意外發生，咁就唔抵啦。

8位　頻繁變換車道
咁做除咗令坐你車嘅人覺得緊張之外，都會令人覺得你係一個冇耐心嘅男人。

7位　突然變換車道
這咁做會令人誤以為就嚟炒車。

6位　特別鍾意追過人哋架車
成日好鍾意追過人哋架車，好似下下都要同人比賽咁，但其實喺女生眼中，呢個行為只係懶有型。

5位　變換車道時會不知所措
揸車時戰戰兢兢，會令女生覺得好冇安全感，而且覺得對方好冇判斷能力，感覺靠唔住。

4位　成日剎車
成日剎車會Chok下Chok下，令車上嘅人坐得唔舒服，而且會突然踩剎車多數都係冇注意路面情況，令車上嘅人無法安心。

3位　突然加速
揸車時經常突然加速，會令女生覺得你唔習慣開車，會好容易出車禍。

2位　跟車太貼
如果冇同前面架車保持安全距離，如果對方突然剎車，咁就一定會撞埋去。

1位　郁啲就響喇叭
咁做會畀人感覺你個人好易動怒，令女生覺得你脾氣唔好。