男人對女人嘅一切總係充滿憧憬，甚至連女人嘅閨房，都可以幻想一餐，覺得女性嘅房間一定好乾淨整齊，有好多可愛嘅小擺設，會有淡淡嘅香味……但到你有女朋友，踏入佢房間嗰刻，可能你就會幻想破滅，因為原來好多女生嘅房，仲污糟過自己間房！不過單單係亂過亂葬崗都還好，最驚係你喺女友間房，唔小心發現佢不為人知嘅小秘密或者壞習慣……

日本網站howcollect就向30個20歲族群嘅男性作出調查，睇吓佢哋最唔希望喺女友房間見到咩野。

過期食物
如果喺女友間房發現過期食物，就會覺得呢個女仔真係好邋遢，做事好馬虎求其。

生理褲（M到時的專用內褲）
作為男生，當然希望見到可愛嘅小內褲啦。M到時嘅專用內褲大大條，一啲都唔性感，難免男人見到會覺得冇癮，覺得成個師奶底褲咁，寧願當冇見過。

冇見過嘅Condom
其實男生一樣會容易亂諗嘢。如果喺女朋友間房發現自己冇見過嘅Condom，就會諗係咪其他男人留低嘅？唔通自己戴綠帽？就算後來知道，原來係前度留下嘅Condom，心入面可能都仲會有條刺，唔知真定假。

BL漫畫
好多男生都唔明白睇住兩個男人曖曖昧昧有咩咁吸引，所以都唔會明白BL呢種喜好，只會覺得女朋友怪怪的、毒毒的，同埋有啲變態，當然，未必係接受唔到咁嘅女朋友，但唔會想知佢呢種喜好囉……

情趣用品
其實女人同男人一樣，都有性需求。不過如果喺女友間房見到情趣用品（佢自己買），就會覺得佢係咪真係咁大需要咁咸濕？定係自己一直都滿足唔到佢呢？