呢個社會乜都講求進步，估唔到而家連宅男都進化，變成現充宅！究竟咩係現充宅呢？其實「現充宅（リア充オタク）」係日本網路上最近出現嘅新名詞，由由「現充（リア充）」（代表喺現實世界過得好充實，唔接觸二次元嘅人）同埋「宅（オタク）」組合而嚟。點解呢兩個本來對立嘅詞可以組合一齊用呢？日本晨間節目「ZIP!」就就「現充宅」呢個話題做左一期特輯，一齊睇下咩係現充宅啦！

點解現充宅會增加呢？因為而家通過網路世界可以更方便同埋簡單得到想要嘅情報，唔使再下下買實物。日媒認為，由於而家越嚟越多年輕人可以透過網路免費睇動漫，所以越嚟越少人會為為自己鍾意嘅動畫作品買原作漫畫/小說、CD、DVD、Blue-ray等等關聯品。

另外，相比起買動漫周邊產品，佢地更願意洗錢去買潮流嘢。為咗處理同非宅朋友嘅人際關係，現充宅會追求時尚。加上日本媒體認為而家動畫入面嘅角色外型同穿著都更具現實感及更時尚，所以一眾宅男都開始提高自身品味。

以前宅男通過購買、鑑賞、考究等嘅「消費」手段就可以獲取滿足感，但係而家隨住分享類網站喺宅男當中流行（例如niconico、pixiv等），越嚟越多年輕宅男希望透過投稿分享自己嘅「創作」，表現自己從而得到滿足感。