父母生我哋養我哋，無疑係好偉大，不過偉大唔一定大晒。好多時父母都會以為子女好嘅名義，不知不覺控制子女嘅一切，包括行為及思想。但每個人都係獨立嘅個體，被受束縛一啲都唔好受，甚至可能留下童年陰影，影響將來嘅成長。

俄國嘅視覺藝術家Anna Radchenko就喺佢嘅《The Reverse Side of Mothers Love》（母愛陰暗的一面）作品中，呈現母親對孩子嘅約束同綑綁，展現親子關係中嘅矛盾。

Anna畢業於London College of Fashion，2014年獲得MA Fashion Photography。喺《The Reverse Side of Mothers Love》呢輯相當中，Anna用生動嘅視覺藝術拍出母親對子女嘅控制欲，令人反思親子關係嘅真諦。Anna話：「我哋無法選擇自己嘅父母，亦好難改變佢哋。尤其係喺年幼時。有啲父母嚴厲，有啲就好包容又善良。」