有人話，男人係一種用下半身思考嘅動物，只要可以滿足下半身幸福，就算冇愛，都可以熜燈照啪。加上社會對於性呢一方面，一向都係男女唔平等。男人打飛機係正常，女人自慰就淫蕩；男人好多性經驗就係神人，女人好多性經驗就係蕩婦。

所以好多時候，面對做愛這回事，男人都可以表現得好從容，只要舒服就得。不過對大部分女性而言，就唔係咁簡單，對於性，或多或少有心理負擔，而且喺性方面，女性更偏向由感情作為主導，帶來身體嘅興奮，所以作為一個好男人，進行性事嘅時候，除了要讓女士身體上舒服，心理上都舒服。

犯了大錯你當然知自己衰乜，但原來有時你喺床上嘅小動作，一樣會引起伴侶嘅不安，一齊睇吓由外國網站The Ranker做嘅網路調查，了解吓「啪啪啪時女生最怕男生做啲乜？」

10. 叫錯名
正當兩個人濃情蜜意地啪啪啪時，如果自己男人突然唔小心叫錯其他女仔嘅名，真係會Hurt到爆炸！

9. 出現失控行為
平時斯斯文文，但上到床就變咗另一個人咁，會令女生感到恐懼。最怕係對方原來有SM傾向，會傷害女生，咁真係早走早著。

8. 早洩
雖然話女生達到高潮嘅時間畀男生耐，但就算冇高潮，可以好好享受過程都開心。不過如果對方有早洩問題，女生咩都未Feel到就結束，咁就真係So9sad……

7. 企圖搞「菊花」
除非兩個人一早溝通好，如果唔係一般女生都唔鍾意男生搞佢「菊花」。

6. 突然拎出情趣用品
又係需要事先講好，如果唔係啪啪啪下突然拎出情趣用品，好多女生都會覺得驚同埋錯愕，同時會擔心你玩得太重口味。

5. 要求拍攝
可能對男士而言，只係想留個紀念，得閒打飛機用。但對女生嚟講，始終太大風險……你呢啦，呢個世代放咸嘢上網畀人J有幾難……

4.唔肯戴Condom
就算戴咗Condom都唔係100%可以避孕，更何況係唔戴，要女人擔驚受怕？

3. 故意畀第三者見到做愛過程
雖然有啲人有畀第三者望住做愛嘅性癖，但唔係人人都接受到。

2. 批評女生身材
如果只在乎身材，會令女生覺得你只係想「呃蝦條」，而唔係真係愛佢。

1. 心入面諗住第二個
其實同叫錯其他女仔名差唔多，都係精神上外遇嘅問題，分別在於前者比較少機會發生，後者……我諗男人唔多唔少都會試過，所以女士們先咁不安啫。