由細到大，我哋熟悉嘅多啦A夢都係善良可愛、充滿正義感，並且對大雄不離不棄嘅超級好老死。作為一套陪住咁多人成長嘅經典動漫，多人惡搞是常識吧？例如將多啦A夢化作暗黑版、靜香同大雄嘅仿H截圖、疑似hehe嘅胖虎小夫……雖然好Funny，但我們都知道，呢一切都係「幻覺嚟架啫！嚇我唔到嘅！」Um......最尾兩個都真係可以得啖笑，但多啦A夢嗰點……就有商榷之嫌。因為日本有網民搜羅出一系列出自多啦A夢口中嘅腹黑說話，句句都勁Mean囉！

「用講的實在是太累了！你去死吧！我已經放棄你了。真的放棄你了！」（第18卷）
慣例因為道具而鬧交，不過多啦A夢講得咁絕，仲叫人去死……如果大雄心靈脆弱啲，可能真係就咁講拜拜。

「你會被女孩子跟蹤…？就算天地顛倒過來也不可能」（第22卷）
大雄覺得最近畀女仔跟蹤，感到好不安，於是同多啦A夢商量，點知就畀多啦A夢笑呢件事係impossible。

「讓這東西爆炸的話，被灰塵籠罩的人會變得跟你一樣笨」（第26卷）
呢段對話係喺「平等炸彈」裡面出現，大雄抗議呢個世界唔公平，希望有個道具可以令到人人平等，結果多啦A夢嘅Comment就係人人都會變得勁蠢。

「那是因為大雄的腦袋原本就是空的」（第30卷）
靜香請教大雄睡眠嘅方法時，大雄就話︰「只要把腦袋放空就能入眠」，結果多啦A夢就順勢踩多大雄一腳。

「一年裡面大概會發作2、3次下定決心。到底能持續多久呢，目前最高記錄是48分23秒」（第43卷）
大雄決心要改變自己，勤力向上，於是多啦A夢就講咗呢番說話，之後仲賤笑。