俗語有云︰「幫你係人情 唔幫你係道理」。雖然人與人之間係應該要互相扶持，但我哋都深明其實身邊嘅人都冇義務去幫我哋，佢哋願意忍讓自己、關心自己，都係出於一份友愛，得到佢哋支持及體諒，好應該心存感激。但「多謝」呢句說話往往都太肉麻，而且有時自卑感作祟，都會覺得受人恩惠好似欠咗對方咁，所以好多人都慣性用「對唔住」去代替感恩嘅心。

但事實上，一句「多謝」所發放嘅能量比起「對唔住」多出千萬倍，聽嘅人會更開心之餘，仲可以加深你同對方彼此間嘅關係，令你哋嘅感情走得更久遠。

插畫家 Yao Xiao就喺Saturday Morning Cartoons專欄創作一系列漫畫，話你聽不同情況下，「多謝」如何比「對唔住」來得更有Power。

遲到嘅時候，與其自責自己冇準時出現，不如感激對方願意犧牲自己時間去等候你嘅出現。