MenClub嘅巴打成日蒲thisax、18ax等等「動作片」網站，相信平日都睇唔少年輕美女同猛男肉搏埋身嘅性愛埸面，叫你睇老人家啪啪啪你實爆晒粗話頂唔L順，做乜L嘢事咁重口味等等……但當你哋一味話阿公阿婆搞嘢有咩好睇嘅同時，其實係咪可以單純啲去看待呢件事︰一對夫妻去到七老八十，依然對對方充滿愛意，彼此互相渴望，唔係好有愛咩？而且恩愛夫妻去到幾歲都好，都會對性有所需求，都係好正常嘅事，點解要因為年紀而歧視佢哋之間激情嘅愛，而唔睇深啲，望見當中與子偕老嘅終生愛情呢？

德國藝術家G.H Rothe就以赤裸嘅描繪，畫出老年人嘅性愛過程，就咁睇，如果你以睇AV角度去睇呢啲畫作，可能會覺得令人情緒不安，但細心啲諗，將來你同你老婆老咗，一樣會有同樣嘅性愛，呢種都算係一種永恆嘅愛的表現丫。