- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
| Joaquin Guzman Loera，人稱El Charpo或者「最後的教父(The Last Godfather)」嘅墨西哥大毒梟，曾經兩次入獄，然後又兩次逃獄，結果近日(1月8日)第三次被捕－－而原因，據稱因為第二次越獄之後，佢主動聯絡電影界想拍自傳電影，結果曝露咗行蹤喎！而根據《滾石》嘅報導，佢喺在逃期間原來仲接受咗影星辛潘(Sean Penn)一個長達7個小時嘅專訪，大談上至販毒下至逃獄嘅各種事跡。 | |
圖片：Rolling Stone | |
| 根據辛潘自己講，佢係透過墨西哥女星Kate Del Castillo而聯絡上Guzman。而雖然辛潘形容Guzman的面上有種不可置疑的表情，但透過佢與兒子們的互動，辛潘覺得Guzman只係一個「來自單純的地方、被單純的孩子圍繞著的單純男」，而非外界所形容，十惡不赦嘅大惡狼。而Guzman雖然不諱言自己係世界最大嘅毒販，但就指自己嘅生長環境(盛產大麻同牙鴉片嘅墨西哥「金三角」之地)根本不容佢有其他選擇「Well，事實上毒品就是有破獲性，但不幸地，正如我所說，在我長大的地方根本沒有其他生存方法，到現在還是沒有。」佢更加認為就算冇咗自己，世界上亦唔會因而少咗毒品。 | |
辛潘與Guzman本身相約於訪問後八日再見，但後來Guzman就冇再聯絡過辛潘。喺辛潘游說、再加被中間人Kate鬧咗句「Pushy mothterfucker」之後，Guzman以一條大約為兩分鐘嘅短片再回應辛潘嘅幾條問題 圖片：Rolling Stone | |
| 而有別於大家對於毒販本身就有毒癮嘅刻板印象，Guzman唔單止唔吸毒(至少過去廿年冇)，佢仲連酒都唔係好飲。不過為咗辛潘，Guzman就願意拎住Tequila同佢傾。另外有趣嘅係縱然美國媒體曾經大幅報導關於佢嘅事跡，但Guzman本人似乎唔太清楚自己喺美國有幾知名－－因為佢仲問辛潘自己喺美國係咪好多人識，而當辛潘育定時，Guzman愉快地笑出聲。另外佢哋亦談到Guzman嘅兩次越獄，其中於2015年7月嘅逃獄，佢更搵人掘出一條長1500米、深10米嘅隧道，而且為咗解決監倉地下泥土積水嘅問題，佢更加派人去德國學師三個月！ | |
| |
| 如果故事黎到呢到完結，感覺就好似《掃毒》撈埋《Prison Break》咁，的確會成為一套好戲。「可惜」嘅係因為呢個訪問，而令墨西哥當局掌握到Guzman嘅行蹤，甚至早於10月嘅時候就已經搵到Guzman藏身於墨西哥杜蘭戈州(Durango)嘅郊區，不過當時就因為被一名婦人及小朋友發現而未有進一步，直到早幾日先正式「再」拘捕Guzman。而辛潘而及居中聯絡嘅Kate目前都被墨西哥警方要求協助調查、甚至連刊登訪問嘅《滾石》都被美國輿論大肆批評。為咗個訪問，辛潘去得好盡呀可？而最盡嘅係，佢仲要冇收錢架！ | |
| 資料：Rolling Stone、Business insider、Maxim、Associated Press |