經過一個悠長假期，又係時候要重回原本嘅生活步伐，早起返工早啲瞓覺。但連續N日同親朋戚友玩到夜一夜，一時三刻好難調整返生理時鐘，晚晚都搞到眼光光望天光，朝早起身簡直攞你命，有咩方法可以唔再失眠，好快就瞓得著呢？

美國哈佛大學醫學博士Andrew Weil就研究咗個超簡單嘅「4-7-8睡眠呼吸法」，據講1分鐘就可以極速瞓著。

所謂嘅「4-7-8睡眠呼吸法」，就係透過不同節奏嘅呼吸頻率，去平緩呼吸，令心跳變慢，產生睡意，加上由於專注呼吸，可以分散注意力，令人唔會瞓前胡思亂想，加速進入睡眠狀態。聽落好似幾有效，實際做法又係點呢？

1.用鼻慢慢吸氣，邊吸邊數4秒。
2.忍住呼吸7秒鐘。
3.最後用口慢慢吐氣，邊吐邊數8秒。