平時喺MenClub睇慣J圖，有時不如轉轉口味，睇返啲有營養嘅相，令個人更有深度啦！超過125年歷史嘅《國家地理雜誌》，多年來登出唔少高質經典相片，唔只影得靚，仲張張都有故事令人深思，不過好嘅作品不能盡錄，除咗喺《國家地理雜誌》上登過嘅相之外，仲有好多未登過嘅滄海遺珠。

為咗令呢啲咁出色又咁有價值嘅相片不被遺忘，《國家地理雜誌》決定實行一個叫「 Found 」嘅計畫，收集百幾年嚟未曾刊登喺《國家地理雜誌》上嘅靚相，負責重任嘅華盛頓相片管理庫館長William Bonner同《國家地理雜誌》編輯Janna Dotschkal就一齊搜集整理呢啲相片，並且用高科技技術將呢啲相整到好似新嘅一樣，當中唔少相片都係20 世紀初拍攝，有日常生活照，都有紀錄歷史性時刻嘅相，張張都非常有意思！