【站着梗中槍】陳冠希牙籤事件簿

圖：互聯網
POSTED ON 12 Jun 2014

陳冠希一向都係長期玩 Instagram 嗰批，琴日，佢因為一張血腥相而被 Instagram 出警告信，心情已經唔好，點知有個人仲要唔識趣，走去挑釁佢，喺 Instagram 留言：「I have seen your small dick before，it’s the size of a toothpick.」（之前我見過你條 J，尺寸同牙籤一樣。）EDC聽到梗係㷫過辣雞啦（其實估唔到佢真係每個 comment 都睇），於是旋即發動攻勢，開新 post ，print screen 咗嗰條友個 id 同樣，然後話：「所有喺聖荷西（San Jose）或香港嘅兄弟姊妹請注意，請認住這個人，佢叫 JASON FOKSTER。若果有人講到佢行蹤比我聽，我將永遠感激你！」仲話會令佢後悔咁話，其實咁樣算唔算誹謗呢？講真，呢件事誰是誰非大家都睇得出，公眾人物如果每次被人挑釁都出面同人撑到行，應該坐監坐到退休都唔掂。再者，你試下有人話陳冠希樣衰，你覺得佢會唔會嬲？人哋講你一樣嘢，如果完全係冇理據可言，又點會咁觸動到你神經？你懂的。