9位（並列）一整套售賣嘅胸圍連內褲，有機會上下尺寸同自己嘅Size係有出入。
比如細胸大Pat，大胸細Pat等等，所以未必可以成套買返嚟，要分開上下兩件買。

9位　唔係肥就一定會大波。
有時見啲人好瘦但都好大波，亦都見過啲好肥嘅女人係冇乜波，所以肥同大波唔一定有直接關係。

8位　唔同牌子嘅胸圍尺寸都唔同，所以買前一定要試著。
特別係部分矯形內衣，可以去到G Cup但其實同大家認知中嘅B Cup差唔多大。

7位　只要可以遮住乳頭，唔著胸圍都可以。
所以先會有乳貼嘅出現，有時冬天太凍其實好多人都會恃住有厚厚嘅外套遮住而唔戴Bra。

6位　就算人哋見唔到，著靚Bra Bra時就係心情會特別好。
好多女性都覺得，內衣真係會影響心情！如果嗰日著新Bra新底褲，心情真係特別靚。

5位　冇著Bra嘅情況下著上面衫，會分唔清邊度係正面邊度係背面。
呢啲就係細胸嘅悲哀。

4位　有令胸部睇落細啲嘅Bra。
Bra唔係淨係用嚟突出胸部，唔同嘅Bra都會影響胸部視覺上嘅大細，例如Sport Bra會較壓胸，令胸部睇落平啲。

3位　好多女人都試過唔記得戴Bra返學或者返工。
特別天氣凍或者趕時間時，都會迷迷糊糊著咗面衫就算，到出咗門口先醒起唔記得戴Bra，結果成日都擔心飛釘而刻意寒背。

1位（並列）　相信胸部會變大，所以買比較大嘅胸圍。
就同女人希望第日會變瘦，所以買細成個碼嘅衫一樣道理，不過好多時都唔會達成。

1位　胸圍唔會日日都洗。
底褲就會日日洗，但其實胸圍就好少日日都洗，除非嗰日真係流太多汗，個人太污糟，如果唔係日日洗胸圍會令佢加快變形，要知道一個好嘅胸圍查實都唔平，邊捨得親自令佢咁快洗壞。