暗器可以話係男人的浪漫之一，細細個已經喺武俠小說中見過佢個名，咩鏢呀、袖箭呀、飛刀呀諗下都覺得型棍，不過今時今日你唔係做特務刺客又或者國產凌凌漆，相信都冇咩機會見到暗器，日本網民眞肋しんろく都咁諗（應該係，除非唔係），點知竟然畀佢喺長野縣松本市，發現一間專賣暗器嘅古董店！真係聞名不如見面喇！

話說眞肋しんろく喺間古董店內hea下hea下，見到有個看似平平無奇嘅木棒，一時seafood痕問下究竟係乜，點知老闆就show咗枝箭頭佢睇！哇整你個掣丫！收埋暗器喺枝棒度咁陰濕嘅！正呀喂！