面對女友每個月都呻M痛，作為一個冇子宮嘅男朋友，只能夠講一句︰「記得飲多啲暖水。」而呢個髦聞，可能因為條女本身西，又或者M到令佢個人西，總之佢就好大機會會西口西面同你講句︰「淨係識叫我飲水，你可唔可以體貼啲啫！」WTF……凸(0_0)凸，用條丁同你交換子宮好唔好？！我又唔係醫生你想我點呀八婆！當然，如果你唔想被分手，呢啲說話你只會放在心中，一切盡在「不言」中。

不過，每個月咁畀人西面都唔係辦法，以紓緩M痛嚟講，坊間一直流傳食朱古力或者飲朱古力都有啲幫助，Mean娜自己就屬於勁虧體質，每個月M到都會痛到行唔到，食朱古力食到流鼻血都未有感覺，所以冇咩Comment可言。但近期瑞士朱古力品牌Chocolate With Love就推出一隻專門紓緩M痛嘅朱古力「Frauenmond」，唔知又係咪真係有料到呢？

不過呢款朱古力暫時仲係募集資金階段，未可以大規模生產。如果真係有人投資，預計都要出年先可以喺亞洲上市，唯有忍多女友幾個月先做個貼心男朋友啦！