有冇諗過點解大部分卡通公仔都係冇牙？可能因為啲牙難畫，又可能因為啲牙難整，又可能唔知安排邊種牙齒好（你知啦，唔同動物啲牙又唔同；擬人化嘅公仔又唔知畀咩牙佢好……），但睇完日本網站hamusoku嘅分享後，我絕對有理由相信，公仔冇牙係因為佢哋有牙嘅樣真係好L驚嚇！！！

日本網站hamusoku就同網民開心些牙一系列牙醫診所嘅公仔，為咗可以吸引小朋友注意力，兼且令小朋友學得開心又放心，唔少牙醫診所都會用卡通公仔取代傳統牙齒模型，但老老77，我唔認為小朋友見到呢啲公仔仲會有心情聽牙醫講嘢，應該一見到就嚇到拆天都似……唔信？睇過你咪知，咩叫真正「小心有牙」囉……