俗語有云女人心，海底針，就算你幾唔了解女人，都要明白，女人心，係用玻璃造，一不留神，你無心一句就令玻璃心出現裂痕，點都補唔返。

傷心榜第五名男：「我一直都當你係妹」港女分析：即係無論我對你幾好我都冇機會啦！你根本唔將我當做對象，咁你做咩又要對人咁好啫！

傷心榜第四名男：「因為你同佢太似」港女分析：即係你覺得我似你嘅EX或鍾意嘅人先對我曖曖昧昧啦！咁即係當我係人哋嘅代替品！

傷心榜第三名男：「嗰晚我醉咗，其他咩都唔知道」港女分析：哦！即係你覺得同我係完全冇可能啦！乜我好差咩！同我有關係好失禮你？而家想不負責任唔認數？

傷心榜第二名男：「我只係想做個試驗，你唔好話我知你當真？」港女分析：我對你咁認真，原來你只係玩玩吓做試驗！我都係人嚟㗎，我有感覺架！我真係以為我哋有可能㗎！點解你要畀個假希望我呀！

傷心榜第一名

男：「……我點知個肚係唔係我架？」

港女分析︰仲洗分析咩？！一睇都知咩事啦！