就憑我報道過咁多個日本水著女星，大家有冇一絲懷疑過「點解啲日本妹咁鬼大波嘅呢？」、「究竟佢哋食咩大？」、「定係核幅射真係有咁嚴重呢？」而更重要嘅係：「點解港女冇呢？」

人種？基因？食物？好有可能通通都唔關事。因為根據現役水著女星西田麻衣喺日本綜藝節目《中居正広のミになる図書館》中爆料，有9成水著女星(不包括佢自己)都係打假波嘅！問你驚未？

當然，西田麻衣唔係親身揸過哂所有女星個胸(如果係，都算係一份創舉)，但佢聲稱有獨門秘方可以瞬間檢定一個女星個胸係真係假。

「幾乎每個水著女星都曾經擺出『豹姿勢(以雙手和雙膝著地趴在地上的姿勢)』，而只要你小心留意，就會見到分別。

根據西田麻衣，如果女星係真材實料，喺呢個POSE之下，胸前兩顆肉球會分別向外偏，於是在正中就係留下一條較闊的乳溝。而如果女星係打假波，兩個胸就會違反物理學地向正中靠攏，形成一條非常緊逼的乳構。

見佢講到咁仔細，文青馬上就搵下有冇其他女星相可以參考研究。以下女星對胸究竟是真是假就由各位自己判斷，但要留意嘅係即使女星擺出四肢著地嘅POSE，如果上臂仍然緊貼胸口兩側，仍然會有「夾波罅」嘅效果。所以實際上能夠作為判定用嘅照片，並無西田麻衣所說如此容易找到。

OK，你話打假波都唔介意？咁隨處屙尿你又點睇？因為根據西田麻衣，女星拍攝寫真的時間其實非常緊逼，尤其是當在沙灘、泳池呢類戶外地點取景時，更要趕喺太陽落山前搞掂。而長期企喺冰涼海水之中更會加快膀胱收縮，個人就會更加易想小便。但又冇理由要全場人等你一個去廁所喎，於是就唯有喺水中「就地解決」。

不過又好老實講，細個阿媽都係咁教我哋架啦？雖然好唔衛生，但都唔係好出奇啫？