日本有一個都市傳說，就係秋田、京都、福崗呢三個地方特別多靚女，而其中「秋田美人」更加係以皮膚白皙而聞名，著名女星、一代女神佐佐木希就係秋田出身。咁除咗佐佐木希，秋田縣仲有咩靚女？就係呢位日本寫真新星「小野寺梓」啦！

圖片：onoderaco

小野寺梓細細個就好恨做一名偶像，恨到佢唔理父母反對，由老家秋田獨自「上京」。後來亦成功加入日本女子偶像團體「Pure White Canvas」。不過要講到佢真正被人大眾認識，就要數到8月時佢為《週刊Playboy》拍攝水著寫真，白到反光嘅肌膚配上禾桿冚珍珠嘅身材；人畜無害嘅眼神、配上有如初戀嘅黑長直頭髮，殺大家一個措手不及！除咗令佢人氣急升，亦再一次印證「秋田美人」嘅名號！

圖片：onoderaco