{ SKIP }
文:MenClub 魏文青  
POSTED ON 11 Jan 2021

黃子華喺《色情家庭》講過,要經營一份愛情同返一份Full Time工一樣,所以大家要辯論嘅唔係「中學生應否談戀愛」,而係「一個人應否有兩份工」。近日日本亦有人就用職場黎比喻愛情,話「秘撈」同「轉工」就係男女偷食嘅唔同,結果獲得大量網民讚好!

發文嘅「ユナ@美容皮膚科」,睇個名都知佢係一個美容醫生,佢個Twitter本身都係分享緊啲類似資訊,再加少少生活日常咁。而喺上年12月尾,佢就突然發文指「記得聽前輩講過,女人偷食是轉職活動 (即係搵工轉),男人偷食就係秘撈,呢個比喻實在太好」。

「想轉工」同「搵秘撈」嘅相同之處,在於大家都唔想冇咗份工 (至少唔想呢一刻冇咗),但「搵工轉」嘅人只係騎牛搵馬,個心已經唔喺原本份工之上;而秘撈嘅人係想Keep住原本份工,但另外搵啲收入。而且無論邊個情況,如果比原本份工個老闆 (正印) 知道,都係會被人炒魷魚 (分手)。可以話係完美地將男女偷食嘅心態比喻出黎。

呢個咁貼切嘅比喻唔單止引起日本網民熱烈回應,個Post依家已經有超過16萬讚好,亦有唔少人基於呢個比喻做出更多演繹。例如「想轉工嘅人被人發現後炒咗可能都仲會開心,秘撈嘅人被人炒就只會剩返後悔」、「如果本身間公司唔係太差,又搵唔到令事業更好嘅工,都係做住先啦,等到被人炒先轉工」、「咁NTR就係Headhunt啦?」、「週圍食女、食仔嘅就係做Freelance」、「靠自己解決嘅算係自己老闆」等等。

資料來源:ユナ@美容皮膚科 on Twitter
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025
如果你見到「櫻井」呢個姓,再望多兩眼相中人而覺得有啲熟口面的話,唔需要太過懷疑㗎,因為我哋早年的確介紹過呢位「櫻井おとの」,不過當時嘅佢仲係用緊漢字名字「櫻井音乃」,係今年先改用片假名寫法。而改咗名之 ...
girls
【深夜】很想戀愛的戀愛笨蛋 「櫻井おとの」出演戀綜人氣再升
28 Jul 2025