台灣混血女神瑞莎琴日喺FB宣佈，將會與拍拖5年的男友Mike拉埋天窗，仲放出男友送嘅1.3卡Cartier求婚戒指。

講起兩個人嘅愛情故事，原來男友Mike在美國求學期間見到瑞莎的雜誌硬照就已經硬…呀唔係…係一見鍾情至啱，但直到10年在公司尾牙二人才正式認識，後來交換面書並且交往。瑞莎指到依家都覺得當時男友緊張到震哂個樣好可愛咁話。

至於Mike究竟花咗咩招式冧掂女神？除咗「緊張可愛」、「噓寒問暖」、「卡地亞鑽戒」和「廿次求婚」之外，瑞莎指Mike係一個「吵不起來」的人，只要雙方有爭執，Mike就會說「一定是我不夠好，會更加努力」，又或者「那你跟我說，我要改什麼」……

所以咪話女神份人心地好，比著某啲港女，你講得呢句佢就打蛇隨棍上，從此騎住個男人予取予攜啦！呢個肯定係關女神個人品事，絕對唔關Mike係台灣鞋業太子爺，坐擁過億資產事！因為女神話太子爺都係出糧，自己搵得仲多過佢喎！

希望女神唔係指「我搵嗰份我嘅，佢搵嗰份都係我嘅」啦……