普遍人對讀唔同學科嘅女仔都有個刻板印象，例如讀護理就係白衣天使有愛心、讀幼教就係鍾意小朋友、讀Art嘅就好有性格。咁如果係讀法律，你第一時間又會諗起咩性格？今年22歲嘅「新田さちか」 ，目前就讀日本青山學院大學法學部，上年喺校內選美活動「ミス青山コンテスト」取得亞軍，繼而加入日本著名經紀公司Horipro，成為深田恭子、石原里美、綾瀨遙師妹。

新田さちか好鍾意小動物，成日去貓cafe，屋企就養咗3隻狗同3隻貓。去年5月開始營運YouTube Channel，不過都係分享一下化妝方法、減肥、化妝品等等，如果各位兄弟有興趣可以去睇下。

佢過往一直喺女性時尚雜誌《CanCam》做開Model，加入經紀公司Horipro後推出首本個人寫真，大曬川字腹肌。