成日都話眉毛同髮型一樣重要，條眉稍有變化都會令成個人觀感唔同晒。日本諧星「井上咲楽」，就係因為修走原本嘅濃密粗眉而走紅，更獲得雜誌社邀請拍水着寫真大曬女人味。

今年21歲嘅「井上咲楽」，2015年以諧星身份出道，一直以招牌粗眉同丸子頭為賣點，令觀眾留低深刻印象。佢為咗令暗戀兩年嘅男仔對佢另眼相看，喺上年參加綜藝節目《今夜くらべてみました》進行形象大改造，點知執一執條眉同髮型就成個人脫胎換骨，其後人氣有增無減，更獲得雜誌社邀請拍水着寫真。

除咗眉同髮型之外，可能因為「井上咲楽」細個跑開馬拉松同埋熱愛運動，所以體材十分均稱，一身白雪雪肌膚加上甜美笑容，全身散發著青春氣息。而且佢仲有一個特殊喜好，就係「食蟲」，真係食昆蟲個種食蟲，唔通佢身材咁FIT就係因為日日食埋啲咁高蛋白質嘅零食！

資料來源：instagram@bling2sakura、twitter@bling2sakura