一般出身於名門望族嘅女仔，正常都唔會笠亂拋頭露面，但今日介紹嘅「團遥香」除咗喺電視台做過7年主播，近年更走性感路線拍水着寫真，大曬纖瘦雪白火辣身材，大家睇完係咪想做名門女婿二次投胎呢？

今年28歲嘅「團遥香」 出身於名門，阿爸係著名建築師、阿爺係作曲家、太爺係政治家、太太爺係三井財閥最高領導。2010年入行擔任晨間新閒節目「ZIP!」主持人，由於樣貌清秀兼身材出眾，一直備受網民關注。直到上年結束7年主播生涯後，就轉向寫真界發展，曬出雪白火辣身材，睇相都感覺到佢個份高貴氣質，難怪被會日媒稱為「真珠のお嬢様（珍珠大小姐）」。

由於「團遥香」擔任主播嗰陣都係著得比較端莊同正式，所以網友們第一次見到佢換上性感泳衣拍寫真都嚇到打咗個「凸」，完全估唔到佢身材原來咁好，心口比想像中有料。除咗拍寫真，佢最近就創立自家休閒服裝品牌「ilwil(ウィル)」發展個人事業，真係多材多藝！

資料來源：instagram@haruka_dan_official