嚟到東京奧運第4日，今日意大利網球選手Camila Giorgi於女子單打第三輪賽事，以6：4、6：2擊敗捷克選手Karolína Plíšková擠身8強。球技精湛得嚟外貌出眾，好自然就成為觀眾嘅焦點，雖然Camila Giorgi身高只有168cm，比起其他歐美運動員嚟講唔算高，但就擁有完美身材比例被稱為網球界「真人Barbie」。

現年29歲嘅Camilla Giorgi，曾奪得2座WTA巡迴賽冠軍，目前單打世界排名61位（最高26），擅長以侵略性打法重擊對手，亦成就佢今屆奧運打入8強。除咗專注訓練球技之外，佢最近就創立自家時尚品牌Giomila，並親自擔任Model，周不時就會喺IG賣廣告，將網球元素融入其中。

貴為世界級選手，Camilla Giorgi亦都擁有「世界級」身材，全身上下冇半點多餘嘅脂肪，充滿力量又性感火辣，不論男女見到都好易被佢深深吸引。期待聽朝10點嘅女單8強賽，佢會有出色嘅表現！