近排為大家介紹咁多古銅色肌膚嘅運動健兒，又西班牙、又加拿大、又烏克蘭、又以色列咁，差唔多帶大家睇咗半個地球，所以今日就為大家介紹返一啲東方臉孔，嚟自日本嘅清新美女「朝日ななみ」。

今年22歲嘅「朝日ななみ」自細就想成為演員，曾經喺家鄉新潟縣投考過藝人，可惜遺憾落選，直至後來有次去原宿買睡衣嗰陣被星探發掘，先喺2018年以藝名「咲良七海」出道。入行短短一年時間就獲得電影、MV以及舞台劇演出機會，之後更以「清純」、「鄰家少女」為賣點進軍寫真界推出首張DVD，直到上年轉咗公司先改名做「朝日ななみ」。

最令人驚豔嘅係，「朝日ななみ」除咗有甜美清新嘅樣貌，身材方面亦非常勁爆，嬌小得嚟又相當「凸」出，唔知當年拒絕佢嗰間經理人公司有冇後悔呢？希望佢日後可以獲得更多演出機會，如願以償咁成為一個出色嘅演員。