相比起馬甲線、川字肌、Bikini Bridge身材，唔少男士更鍾情於有少少肉嘅女仔（要骨杉杉攬自己Fd都得），如果豐滿得嚟又生得可愛就簡直perfect池啦。如果你都鍾意呢類女仔，咁今日介紹嘅「日野麻衣」就啱晒你口味啦。

今年26歲嘅「日野麻衣」，多年前以戲劇女團「Girl〈s〉ACTRY」成員身份出道，2012年以17歲之齡推出首張寫真DVD《Pure Smile》打入寫真界，憑住充住彈性嘅豐滿肉感身材，贏得當時Amazon DVD銷量排行榜第2位。除咗寫真活動，多年嚟亦活躍於影視界，經常出現喺綜藝節目、網絡電視、日劇等等。

由於「日野麻衣」面圓圓又有一對兔仔牙，令佢視覺年齡更加後生，就算出道多年依然保持一定人氣，現時IG擁有近23萬名粉絲。

資料來源：instagram@hinomaiofficial、twitter@hino_mai