唔少人都覺得混血兒係屬特別靚女/仔嘅一群人，皆因佢哋能夠融合兩種或以上血統嘅長處，所以個樣睇落零舍唔同，難怪日本時裝界特別鍾意用混血Model，其中就包括藤井Lena、水原希子、長谷川潤等等，不過今日介紹嘅就唔係以上幾位，而係美貌與智慧並重嘅「ラウデン直美」！

今年22歲嘅「ラウデン直美」，爸爸係京都大學任教德文嘅德國人，而媽媽就係畢業於上智大學、曾經喺美國生活過9年嘅日本人，亦因為係咁嘅家庭環境之下長大，所以佢自細成績就非常好，又識得日英德三種語言，並成功考入慶應義塾大學法學部政治學科，可以稱得上美貌與智慧並重。

除咗讀書叻之外，「ラウデン直美」早喺13歲嗰陣參加選美比賽「Miss Teen Japan 2013」贏得大獎出道，成為女性時尚雜誌《CanCam》專屬Model，考入大學後更搬到東京全面展開藝能活動，目前係新聞資訊節目主播，間唔時又會上下綜藝節目。